Kyagulanyi Akaalamukidde Aberimbika Mu NUP Nebavvoola Obuganda
Ssi Kya Buntu Bulamu Okwerimbika Mu People Power Novvoola Obuganda
Omukulembeze w’ekibiina kya NUP n’ekisinde kya “People Power” okutwalira awamu, Robert Kyagulanyi Ssentamu, atabukidde banna Uganda ababuli ngeri nabalabula balekere awo okwerimbika mukulwanirira eddembe lyabwe ate nebatyoobola ennono n’Obuganda.
Kino kiddiridde omukyala eyeyita Nalubwama eyasinzidde mu kwekalakaasa okwabadde mu Boston mu America natyoboola abakulembeze ba Buganda.
Kyagulanyi Agamba bwaati
Ndabye akatambi akenyamiza nga omukyala omu ayambadde ebyambalo bya People Power mu kwekalakaasa e Boston.
Newankubadde nga tuwagira abantu baffe okwekalakaasa mu ddembe nga bawakanya ebibanyiga byonna, kino kyabade kya buswaavu eri ffenna okulaba Nalubwama nga avvoola Maama Nabagereka ne Kattikiro.
Eno ssi y’enkola oba endowooza yaffe nga aba People Power oba NUP.
Tuvumirira enneyisa oba enjogera yonna evvoola Buganda.
Abalabe baffe bagala kulaba nga twetemyemu ebiwayi awo balyoke basobole okutufuga nga tetusobola kwegatta kubalwanyisa.
Nsaba bonna abavoola ennono nga bambadde ebyambalo byaffe bakikomye amangu ddala.
Omuntu yenna ayambala nga ffe nakola ebivoola e Mbuga abeera n’ekigendelerwa eky’okutufaananya nga balabe ba Buganda, ekitali kituufu.
AYI KATONDA KUUMA KABAKA WAFFE.
