Ssabasajja Ronald Muwenda Mutebi Wa Kubonekako Eri Obuganda Nga 29/05/2021 Esaawa 11 Ezakawungeezi
Ssabasajja Kabaka wa Buganda Ronald Muwenda Mutebi ow’okubiri, kikakasiddwa nti wakubonekako eri Obuganda era eyogereko eri abantube ngaayita kumutimbagano ogwa zoom nga 29/05/2021 ku saawa 11 Ezakawungeezi.
Bino byasanguziddwa minista wa Kabaka avunanyizibwa ku gavumenti ez’ebitundu owek. Joseph Kawuki era nebikakasibwa Katikkiro Charles Peter Mayega.
Kinajjukirwa nti Ssabasajja lweyasembayo okwogerako eri Obuganda zaali nga 13/04/2021 bweyali ajjaguza amazaliibwage mu Lubiri Emengo. Yabalika nga mugonvu nnyo ku olwo.
Kino nno kyaleetawo okwemulugunnya okw’amanyi okuva mu basajja nabazaana ba Kabaka abaalaga okwemulugunya kwaabwe nga bayita kumutimbagano. Wabula Katikkiro yabagumya nti abasawo baali bakkola dda buli ekisoboka okuzza Ssabasajja mumbeera ennungi.
Nga wayisse ennaku bbiri zokka nga 15/04/2021, Ssabasajja yalabwaako oluwunguko ku Ssemaduuka Capital Shoppers e Ntinda nga aliko byeyegulira. Kino kyakakasibwa Katikkiro.
Ate omulundi ogubadde gukyasembyeeyo okulabikako, yali agemebwa ekirwadde Lumiima Mawuggwe COVID-19 mu Lubiri lwe e Bbanda, era teyasobola kwogera.
Kati Ssabasajja, yasiimwe okuggulawo olukungaana leave banna Uganda abali mu America olutuumiddwa Buganda Bumu American Charpter. Olukiiko luno lwakubaawo ku lwomukaaga luno nga 29/05/2021 Esaawa 11 ezawano.
Buli muntu anetaaga okwetaba mulukungaana luno waddembe okweyunga kumukutu gwa zoom nga akozesa namba zino wammanga.
Zoom ID 86555888217 with Pass code: 536777
Bwooba olina eggulire lyonna oba ekirowoozo kyona nga wandyagadde abantu abangi okimmanya, bituwereeze ku ugandatodayedition@gmail.com oba WhatsApp number+256 702 239 337
