Olutalo Lwa Gen. Muhoozi Ne Bba Wa Mwanyina Odrek Rwabwogo Lukula — Kati PACEID Agamba Teriiwo Mu Mateeka

UgandaLeero: Olutalo Lwa Gen. Muhoozi Ne Bba Wa Mwanyina Odrek Rwabwogo Lukula — Kati PACEID Agamba Teriiwo Mu Mateeka

Bya Musasi Wa Uganda Leero

Enjawukana wakati wa Ssaabaduumizi w’eggye lya UPDF, Gen. Muhoozi Kainerugaba, ne Bba wa mwannyina muwala wa Pulezidenti Yoweri Museveni, Odrek Rwabwogo, yeeyongedde okufuuka ensonga y’eggwanga, oluvannyuma lwa Muhoozi okugamba nti assattulidde ekitongole kya PACEID, n’okukwatibwa kwa Matthew Bagonza nga ono muyambi wa Rwabwogo mu kitongole kya PACEID.

Ekintu ekyaali kirabika ng’enjawukana ey’abantu ab’omu maka agamu, kati kifuuse ensonga erimu ebyobufuzi, obuyinza, amateeka n’enkola y’ebitongole bya Gavumenti.

Enjawukana Zituuse Mu Lujjudde

Mu lukungaana lwábamawulire olwatuuziddwa Rwabwogo, lwategeezezza Uganda Leero  engeri enjawukana wakati wa Gen. Muhoozi ne Rwabwogo bwe zeyeeyongedde okweyoleka mu lujjudde.

Abantu bano bombi balina enkwatagana ey’omu maka ga Pulezidenti: Rwabwogo yawasa Patience Rwabwogo, muwala wa Pulezidenti Museveni, ate Gen. Muhoozi ye mwanyina wa Patience.

Naye ensonga kati tekyaali ya maka gokka.

Enjawukana eno, eyingiziddwamu PACEID, ekitongole kyatandikibwaawo okuyamba Uganda mu by’obusuubuzi n’okwongera okutunda ebintu by’eggwanga ebweru w’eggwanga.

Rwabwogo: “Amateeka Gatteekwa Okugobererwa”

Rwabwogo, akulira PACEID, avuddeyo ng’awakanya engeri omukungu wa PACEID, Matthew Bagonza, gye yakwatibwaamu.

Rwabwogo agamba nti omuntu yenna aba ateberezebwa okuzza omusango gwonna, ateekwa okugobererwa mu mateeka era aweebwe omukisa okweyanjula ku Puliisi olwo bwaaba alina omusango gwonna, Puliisi yerina obuvunaanyizibwa okumutwaala mu kkooti n’awulira emisango egimuvunaanibwa.

Mu kwogera kwe, Rwabwogo agamba nti yagenda e Entebbe okusisinkana Pulezidenti Museveni oluvannyuma lw’okulemererwa okumanya Bagonza gye yatwalibwa.

Okusinziira ku Rwabwogo, Pulezidenti yamutegeeza nti yali tamanyi ku kukwatibwa kwa Bagonza era nti ssi y’alagira okukwatibwa kwe.

Gen. Muhoozi Avunaana PACEID

Ku ludda olulala, Gen. Muhoozi avuddeyo ng’avunaana PACEID okukola nga ekitongole ekitali mu mateeka era n’okwenyigira mu bikolwa by’obuli bw’enguzi n’okukozesa obubi ensimbi za Gavumenti.

Muhoozi era yalagidde minisitule, ebitongole bya Gavumenti ebw’enjawulo obutakolagana na PACEID.

Ebigambo bino byongera obuzibu mu nsonga kubanga kati si nkayana ya bantu babiri bokka, wabula etuuse ku nsonga y’ekitongole ekikola emirimu egikwata ku Gavumenti.

PACEID Eggyiddwaawo?

Ku Lwokutaano nga August 28, Gen. Muhoozi yalangirira nti PACEID yali eggyiddwaawo era nti emirimu, embalirira n’obuvunaanyizibwa bwaayo bitwalibwe Operation Wealth Creation.

Wabula Rwabwogo agaanye endowooza eno, ng’agamba nti PACEID yatandikibwawo Pulezidenti era nti ekitongole ekyo tekisobola kuggyibwaawo muntu yenna awatali kugoberera nkola entongole.

Mu ngeri endala, ensonga kati eri ku kibuuzo ky’obuyinza: Ani alina obuyinza okuggyawo oba okukyusa ekitongole ekyatandikibwaawo Pulezidenti?

“Pulezidenti Museveni Y’asobola Okunkomya”

Mu bigambo ebisembyeyo, Rwabwogo agamba nti Pulezidenti Museveni y’alina obuyinza obw’enkomeredde ku nsonga ya PACEID.

Agamba nti ekitongole kyatandikibwaawo mu 2022 era ne kibeera wansi w’Ofiisi ya Pulezidenti.

Rwabwogo ayagala ensonga zonna ezikwata ku PACEID zikolebweko mu mateeka n’enkola entongole, so si mu biragiro oba birangiriro ebiyisibwa ku mikutu gya yintaneeti.

Okukwatibwa kwa Bagonza Kwongera okukuma Muliro

Okukwatibwa kwa Matthew Bagonza nakwo kwongedde okukuma ku muliro mujawukana zino.

Bagonza, yali akola ne PACEID era ng’akolagana nnyo ne Rwabwogo nga omuyambiwe, kigambibwa nti yakwatibwa okuva ewuwe e Entebbe.

Gen. Muhoozi yategeeza ku kukwatibwa kwe ku mikutu gya yintaneeti.

Wabula Rwabwogo ayagala Bagonza, oba omuntu yenna avunaanibwa omusango, aleetebwe mu kkooti era aweebwe omukisa okwewozaako.

Ensonga y’enkola ey’okukwatamu Bagonza ate nga teyayisibwa mu mateeka yeemu ku nsonga enkulu eziri mu njawukana zino.

Enkaayana Etuuse Ku Nsonga Y’amateeka

Abantu bangi kati batandise okwebuuza oba ensonga eno ejja kuggwa mu ngeri y’okwogeraganya wakati w’abakwatibwaako oba egenda kweyongerera ddala mu bitongole bya Gavumenti okuyisa olugaayu mu mateeka.

Ensonga enkulu eri nti: ebitongole bya Gavumenti birina kukulemberwa mateeka n’enkola entongole, oba obuyinza bw’abantu abali mu bifo eby’amaanyi busobola okusalawo?

Ekibuuzo kino kikulu nnyo kubanga PACEID ekwatagana n’emirimu gya Gavumenti n’ensonga z’obusuubuzi bw’eggwanga.

Enkaayana Ya Maka Etandise Okufuuka Ensonga Ye Ggwanga

Muhoozi ne Rwabwogo si bantu ba bulijjo.

Omu ye Ssaabaduumizi w’eggye lya UPDF era mwana wa Pulezidenti.

Omulala ye Bba wa muwala wa Pulezidenti era akulira PACEID.

Bwe kityo, enjawukana wakati waabwe zireeta  ekibuuzo ekinene ku nkolagana y’abo abali okumpi n’obuyinza mu Uganda.

Uganda Leero nga esiinziira ku njawukana wakati wa Gen. Muhoozi ne Rwabwogo, ezimaze ebbanga nga zeyoleka mu bigambo, ku mikutu gya yintaneeti n’ebyobufuzi okukutuusaako eggulire lino.

Uganda Esigazza Kubuuza Kibuuzo Kimu

Mu kiseera kino, ekibuuzo ekikulu si ani ayinza okuwangula empaka zino ez’ebigambo.

Ekibuuzo kiri nti: amateeka n’ebitongole bya Uganda bijja kukola ki ku nsonga eno?

Abantu balindiridde okulaba oba ensonga ya PACEID, Bagonza n’enjawukana wakati wa Gen. Muhoozi ne Rwabwogo ejja kusalibwa mu nkola entongole ey’ebitongole n’amateeka oba ejja kweyongera okubeera mu njawukana z’abantu ssekinnoomu.

Era nga Uganda eyolekedde ebiseera eby’ebyobufuzi ebikulu, engeri ensonga eno gy’eneekwatibwamu eyinza okuba n’amakulu agasinga ku bantu ababiri abali wakati mu nkaayana.

#UgandaLeero #MuhooziKainerugaba #OdrekRwabwogo #PACEID #Museveni #Bagonza #UgandaPolitics #Amawulire #Ebyobufuzi #Amateeka #Obuyinza #FirstFamily #UgandaNews #Uganda2026 #PhoenixNewsFeeds #OperaNewsFeeds #bit.ly/3REw5gR