Olugero Luno Lwaava Ku Ki?

Ontuuse Nalunga Weyatuuka Jjuuko

Olulimi Oluganda nga kati luli ne kumukutu gwa Google kweruvununirwa mu Nnimi endala nga Olungereza, lulina engero n’ebisoko nfaafa. Ebimu ku bisoko n’engero birina kwebyaava.

‘Wulira Bino’ akuletedde

Aboogera Oluganda nga bakozesa engero n’ebisoko, enjogera eno mubadde mugimanyi ensibuko yaayo? ‘Nkole mpoomye, Nalunga yagoya Mayuuni’, ‘Ontuuse Nalunga weyatuuka Jjuuko’

Nalunga ayogerwaako yali muwala wa Ssemaluulu ow’Envuma eyabeeranga ku mutala Nabutiiti nga kati kisangibwa Makindye mu Kampala wano. Ng’eno Ssekabaka Jjuuko Mulwaana gyeyamusanga n’amuganza.

Advertising Toyota Vigo

Ng’abawala abeddira envuma bw’obamanyi, ne Nalunga yali muwala mulungi. Nalunga wadde yali mulungi nyo, wabula bwe yalaba ku Kabaka Jjuuko naye yamatira bya nsusso era bwe yamuwayira, Nalunga yakolanga buli kisoboka okusobola okuwangula Nakisozi ow’Embogo Jjuuko gweyapepeyanga naye obudde obwo.

Kabaka buli lweyagendanga ew’Omuzaana Nalunga, nga Nalunga yeetala ng’omukazi omuwadi anoonya akadomola okusobola okumatiza Kabaka.

Olwaali olwo, nga Kabaka atuuka ewa Nalunga nga n’omutema mpola gumusaayirira. Kino Nalunga olwakimanya, ng’afuluma kukuma kyoto atere afumbire oyo gweyasiima.

Nalunga yafumba mu bwangu ddala era Kabaka aba aly’awo ng’entalamule esoosotola. Kabaka katono agweewo ekigo Nalunga bwe yaleeta amayuuni amagoye. (Ebiseera ebyo, amayuuni bagagoyeezaanga bawere).

Kale abaami abaali ku kijjulo kw’olwo ne baseka nyo nga bwebagamba nti ‘Nkole mpoomye, laba Nalunga bw’agoyezza amayuuni’ awo nno wewasubuka enjogera eyo.

Kyokka Kabaka Jjuuko yakimanya nti mukwano gwegwaali gugoyesezza Nalunga amayuuni.

Kabaka mu kusiima Nalunga kyeyali akoze, yamugamba nti ‘Ontuuse ku mutima abalala we batatuukanga’. Awo nno wewasibuka enjogera egamba nti ‘Ontuuse, Nalunga weyatuuka Jjuuko’

Kigambibwa nti okuva olwo, Kabaka Jjuuko teyaddamu kupepeya na Mukazi yenna okujjako Nalunga era akaseera akaddirira Nalunga yafuna ettu era n’azaala Omulangira Lumweeno.

 

 

 

Toyota Vigo

Chris Kato

Uganda Today is a source of analytical, hard and entertaining news for audiences of all categories in Uganda and internationally. Uganda Today cut its teeth in Ugandan media industry with its print copies hitting the streets in October 2014. We are heavily indebted to all our publics and stakeholders who support our cause in one way or the other. To comment on our stories, or share any news or pertinent information, please follow us on: Facebook: Uganda Today Twitter: @ugtodaynews WhatsApp:+256 702 239 337 Email: ugandatodayedition@gmail.com Website: https://www.ugandatoday.co.ug

Related Articles

Back to top button
error: Content is protected !!