Uganda Today: Katikkiro wa Buganda kati mu America nga alambula abantu ba Ssaabasajja abawangalira mu Nsi eyo, Yazinnye amazina agafindukululu nga Abaganda bamulaze Essanyu egitirivu.
Katikkiro Yalambudde Kampuni Ekola Kaawa E Seattle
Katikkiro, Oweekitiibwa Charles Peter Mayiga yasisinkanye abakulira kkampuni enkozi ya kaawa, eya Cascade Coffee, e Seattle, mu Amerika, mu kaweefube ow’okufuna bannamikago, abakwatirako Obwakabaka ku nteekaterka ya mmwanyi terimba.
Katikkiro yabadde ne Baminisita; Ababaka ba Kabaka: ow’e Seattle n’e Bungereza, n’abakungu okuva e Mengo, baayaniriziddwa akulira kkampuni eno, Omw. Greg Thayer (muzungu mu kifaananyi), naabalambuza emirimu egy’enjawulo gye bakola.
Yasiimye ebikolebwa n’agamba nti okubangawo enkolagana wakati wa kkampuni eno n’Obwakabaka, gujja kuba mukisa munene nnyo eri Buganda ne Uganda okutwalira awamu ogw’okutumbula ekirime ky’emmwanyi.
Greg Thayer, ku lwa Cascade Coffee, assuubizza okukolagana n’Obwakabaka okutumbula ekirime ky’emmwanyi.
Publisher
