Somali Direct Investment Opportunities

Lwaaki Ekifo Awattirwa Abajulizi Kiyitibwa Namugongo?

Omulabirizi Wa West Buganda Diocese Rt.Rev Katumba Tamale Anyonnyola

Okutandikira ddala ku mulembe gwa Ssekabaka Ssuuna, ensi eno Buganda yatandiika okutuukirirwa abagwiira naddala Abawarabu mumyaaka gyo 1800.

Wano Abaganda bayiiyiizawo n’oluyimba olugamba nti “abatabaazi abedda baali baawufu, nga ne mundu ezibwatuuka zaali teziri muno, zajja ku mulembe gwa Ssuuna mubiro biri…”

Bishop Katumba Tamale Annyonnyola

Waliwo ensobi gye ndowooza nti ng’enderere okuwabya abantu nti ekifo *ky’Abakristaayo* awattirwa Abajulizi lwaaki kiyitibwa *Nakiyanja!*
Ekituufu kiri nti:

Advertising Somali Direct Investment Opportunities

1. *NAKIYANJA:* Kano ke kagga _(stream)_ akaawula Essaza lye Kyaddondo ku ly’e Kyaggwe _(natural boundary),_ akali oba akasangibwa wammangako w’ekifo _(Ettambiro/Ekiggwa)_ *ky’Abakristaayo* Abajulizi _(Anglicans & Roman Catholics)_ we battirwa nga bookebwa mu kikoomi ky’omuliro!

2. Ebitundu byonna ebiriraanye emigga oba ennyanja tebiyitibwa mmannya ga migga egyo oba nnyanja ezo; okugeza:
• *Jinja, Njeru,* oba *Bujagaali* tebiyitibwa *Kiyira* oba *Nile* kubanga biriraanye omugga ogwo!

• *Entebbe* oba *Ggaba* tebiyitibwa *Nalubaale* oba *Victoria,* kubanga biriraanye ennyanja eyo!

3. *NAMUGONGO:* Erinnya lino liva ku ngeri y’obukambwe n’okutulugunyizibwa Abajulizi gye baayisibwamu okutuuka awali ettambiro lino; anti baabatuusaawo nga baabawalulira oba baabakuluulira ku *migongo* gyabwe nga amaanyi agatambula g’abaweeddemu dda.

Abantu abaabalaba oluvanyumako nga bali mu mbeera eno, be baabuuza bannabwe abaaliwo nga Abajulizi baakatuusibwa mu kifo kino nti,
*”Bano abatakyafaananika batuuse batya wano?”*

Ne baabaddamu nti,
“Batuuse *na mugongo,* nga baabawalula!”

Ekiseera kinene bwe ky’ayitawo, ekifo kwe ku kiyita *Namugongo!*

4. *KYALIWAJJALA/BULOOLI:*
Ekifo ky’Abakristu _(Roman Catholics)_ awali Basilica we wattirwa *Omujulizi Kalooli _(Charles)_ Lwanga.*

Oluvanyuma lw’okutambula ebbanga eddene okuva e Munyonyo, ate n’okutulugunyizibwa, Omujulizi ono y’asaba Abambowa _(Abasirikale)_ bamuttire awo; n’abagamba nti,
*”Nze nkooye munzitire wano; anti ne bwe munaantuusa mu ttambiro ndi wakufa sijja kwegaana Kristo!”*

Awo omu ku Bambowa kwe kumusogga effumu n’amutta

Kalooli Lwanga ye teyayokebwa muliro!

N’olwekyo, ekyaalo Omujulizi ono kwe yattirwa tekiyitibwa *Namugongo,* wabula kiyitibwa *Kyaliwajjala* oba *Bulooli* okuva mu linnya lye erya *Kalooli.*

5. *EBIFO BYOMBI:*
Olw’obumu _(unity in diversity)_ mu Kristo obwayolesebwa Abajulizi baffe *Abakristaayo* _(Anglicans)_ , *n’Abakristu* _(Roman Catholics)_ nga battirwa wamu ku Kiggwa *ky’Abakristaayo e Namugongo* , ebifo byombi kaakano biyitibwa erinnya lino *NAMUGONGO.*

 

*The Rt. Rev. Henry Katumba Tamale,*
BISHOP OF WEST BUGANDA DIOCESE

https://www.facebook.com/1592218210999003/posts/3171858793034929/

Chris Kato

Uganda Today is a source of analytical, hard and entertaining news for audiences of all categories in Uganda and internationally. Uganda Today cut its teeth in Ugandan media industry with its print copies hitting the streets in October 2014. We are heavily indebted to all our publics and stakeholders who support our cause in one way or the other. To comment on our stories, or share any news or pertinent information, please follow us on: Facebook: Uganda Today Twitter: @ugtodaynews WhatsApp:+256 702 239 337 Email: ugandatodayedition@gmail.com Website: https://www.ugandatoday.co.ug

Related Articles

Back to top button
error: Content is protected !!