Site icon Uganda Today

Ekitegeeza Olukwe Lwaava Dda?

President Museveni recently revealed that when he got a son, he decided to name him Muhoozi meaning "the one who avenges on behalf of the father after his demise. It is apparent that general Museveni started preparing his son not only as his avenger but groom him as his imposed successor as president. When fore sighted individuals like Miria Matembe and Kizza Besigye complained, the former was summarily dropped from cabinet and the latter was court marshaled. In the picture young Muhoozi was seen shaking hands with young NRA fighters after his father had captured power.

Ekifanaanyi kino wammanga, okulabikira omulenzi omuto nga asika abajjasi mu mikono, Kigambibwa nti kyakubwa mu 1986.

Omulenzi eyali abuuza ku basirikale omwaali ne bakadogo nga abaserikale abato abaali mu Nsiko bwebaali bayitibwa, kigambibwa nti ye Muhoozi Keinerugaba mutabani wa Pulezidenti Tibuhaburwa Museveni.

General Muhoozi kati, awo yali ajjaguza okuweza emyaaka 12. Abasomera ebbaluwa mu Bbaasa bagamba nti olukwe lwokuyingiza General Muhoozi mu Magye, lwaali lukwe olwaava edda amangu ddala nga Kitaawe General Museveni yakawamba obuyinza.

Ate ggwe tewebuuza lwaaki omwaana omuto ow’emyaaka 12 gyokka, yandibadde alagibwa eri abamagye n’okulambula ennyiriri zaabwe singa tewaali nteekateeka yamuggundu okumuyingiza mu magye.

Kinajjukirwa nti mu November 06, 1999 Dr. Besigye yawandiika ekiwandiiko eky’emiko 14 mweyannyonnyolera ebintu bingi, ye byagamba nti pulezidenti Museveni yali atandisse okuva ku mulamwa ogwabatwaala mu Nsiko okumamulako obukulembeze bwa Obote. Mu bimu kubintu Dr. Besigye byeyayogerako mwemwaali n’ekikolwa ekyokuyingiza Muhoozi mu Magye mungeri eyamankweetu.

Dr. Besigye ku Kkono nga ali nabajjaasi abalala.

Mukiseera ekyo Dr. Besigye yali akyaali offiisa mu Magye era nga akolanga omuwi wa magezi eri minista omubeezi ow’ebyokwerinda.

Ekiwandiiko kino kyaretera Dr. Besigye emiteeru olwokwenyigira mubyobufuzi ate nga yali akyaali mu Magye. Amangu ddala Besigye yalangirira okulekulira amagye, naye kino tekyalobera mukamaawe Museveni kumuvunaana mu Kooti ya Magye.

Mu 2005, munna Magye omulala General Ssejusa naye yemulugunya kukintu kyekimu ekya Muhoozi okuyingizibwa mu Magye n’okukuzibwa kumisende egyayiriyiri, era naye naavunaannwa.

Ekibuuzo Ekiri Mu Ddiiro

Lwaaki General Muhoozi yetaba mu byobufuzi omuli nokulangirira nga bwageenda okwesimbawo ku bwa pulezidenti ate nga akyaali mu Magye naye newatabaawo kimukolebwaako?

Exit mobile version