Somali Direct Investment Opportunities

Awambiddwa

Burkina Faso, Pulezidenti Awambiddwa Luvanyuma Lwa Myeezi Bweezi

Burkina Faso Nate Ezzeemu Obusambattuko Obwaggweredde Mukuvuniika Gavumenti Ebadde Yakamala Emyeezi Obweezi.

Amagye nga gagumbye mukifo ekimu my Burkina Faso oluvanyuma lwokuwamba gavumenti ebadde yakamala emyeezi munaana gyoka.Amagye mu Burkina Faso nga bagumbye mukifo ekimu.  

Omuduumizi w’eggye ery’eggwanga erya Burkina Faso Ibrahim Traore yawambye abadde omukulembeze w’eggwanga eryo Paul-Henri Damiba era naayiwa n’abakulembeze ggwaddidde mubigere  babadde akola nabo.

Okuwamba kuno bakulangiriridde ku Ttivi y’eggwanga ekiro ky’olunnaku olwokutaano, wabula basoose kuggyako Ttivi eno okumala essaawa eziwerako era nga kuliko ebigambo ebigamba nti ‘No Video Signal’. Abadde omukulembeze w’eggwanga erya Burkina Faso Paul Henri bamuvunaana kulemererwa kukyuusa nambika yamaggye agajjako eyali omukulembeze emyezi munaana emabega awamu n’eby’okwerinda ebiri mu mbeera embi. Ono awambiddwa nga mu ntebe abadde tanabugumyamu na mbooge anti abadde yakagimalamu emyezi munaana gyokka nga ono yali yawamba Roch Kabore mu mweezi ogwa January omwaka guno.

Advertising Somali Direct Investment Opportunities

Traore mukiwandiko ekyasomeddwa ku Ttivi y’eggwanga eryo nga mukungu mulala yakisomye wabula nga omukono oguliko gugwe yategeezezza nti abamu ku bannamagye abaawagira Damiba okutwaala obukulembeze bw’eggwanga eryo bwebasazeewo okumujjako olwokulemererwa okulwanyisa bamukwata mundu mu ggwanga eryo ababafuukidde ekyawalulwa.

Bano tebakomye okwo wabula ne ssemateeka w’eggwanga eryo bamuyimirizza nga kati takyakola , endagaano zebasaako omukono ez’okukyuusa obuyinza nazo zisuuliddwa mu kasero era n’ensalo z’eggwanga eryo nazo zigaddwa , wabula ssi byebyo byokka naye balangiridde ne kkafyu mu ggwanga eryo okuva ku ssaawa ssatu ez’ekiro okutuusa ku ssaawa kkumi neemu ez’okumakya abantu tebakkirizibwa ku tambula.

Mu kiwandiiko ekisomeddwa balaze nti Damiba bagezezaako okutuula naye n’okumuwa ebirowoozo ku bintu ebyenjawulo naye nga tafaayo, era nti bakizudde nti ebirowoozo bye n’ebigendererwa bikyuuse ku kyabaleeta kwekusalawo okumuwamba . Naye basuubizza nga bwebajja okuyita abantu abakwatibwaako mu kaseera mpa we kaaga basalewo ekiddako omuli okutondawo endagaano ez’okukyuusa obuyinza bubeere mu mikono gya bannamagye oba abantu baabulijjo.

Chris Kato

Uganda Today is a source of analytical, hard and entertaining news for audiences of all categories in Uganda and internationally. Uganda Today cut its teeth in Ugandan media industry with its print copies hitting the streets in October 2014. We are heavily indebted to all our publics and stakeholders who support our cause in one way or the other. To comment on our stories, or share any news or pertinent information, please follow us on: Facebook: Uganda Today Twitter: @ugtodaynews WhatsApp:+256 702 239 337 Email: ugandatodayedition@gmail.com Website: https://www.ugandatoday.co.ug

Related Articles

Back to top button
error: Content is protected !!